PSJ-nin və Fransa millisinin hücumçusu Kilian Mbappe futbolçuların irəliləyiş üçün dəyişməsinin vacib olduğunu deyib.
“Xəbər Xətti” publika.az-a istinadən xəbər verir ki, o, nümunə kimi “İnter Mayami”nin hücumçusu Lionel Messini göstərib:
“Bilirsiniz, futbol öz vaxtını, tempini diktə edir. Dəyişməsən, vəziyyət dəyişir və unudulursan. Hətta ən böyüklər də nəyisə dəyişməli olublar. Məsələlən, mən Messi ilə oynadım və o, oyununu dəyişdi. PSJ-də “Barselona”da olduğu kimi eyni oyunçu deyildi. Bu, Leoya dünya kubokunu, kollektiv və fərdi titulları qazanmağa imkan verdi”.
Qeyd edək ki, Mbappe 2021-2023-cü illərdə Messi ilə PSJ-də komanda yoldaşı olub.
“Xəbər Xətti”
Xəbərlərimizi WhatsApp kanalımızdan da oxuyun
Mənbə
xeberxetti.com