Bu ilin oktyabrı tarixdə ən isti ay olub

2023-cü ilin oktyabrı tarixdə ən isti ay olub.
Xeberxetti.com xəbər verir ki, bu barədə Avropanın “Kopernik” monitorinq xidməti məlumat yayıb. Oktyabrda səthin orta temperaturu 15,3 dərəcə təşkil edib ki, bu da 2019-cu ildə müəyyən edilmiş əvvəlki rekordu 0,4 dərəcə ötüb, Xidmət açıqlamasında 2023-cü ilin oktyabr ayının 1991-ci ildən 2020-ci ilə qədər olan dövr üçün dünyada ən isti oktyabr olduğunu qeyd edib. Bu ayın orta temperaturu oktyabrın orta göstəricisindən 0,85 dərəcə, 2019-cu ilin əvvəlki rekordundan isə 0,4 dərəcə yüksəkdir. Bundan əlavə, bu ilin oktyabr ayında Şimali Atlantik okeanında suyun yuxarı qatlarının orta temperaturunun rekord səviyyə – 20,79 dərəcə qeydə alınıb. Qeyd edək ki, bundan əvvəl 2023-cü ilin sentyabrı tarixdə ən isti olub. Ümumdünya Meteorologiya Təşkilatı (WMO) əlavə edib ki, qütb sularından kənarda dəniz səthinin orta temperaturu keçən sentyabr ayında 20,92 °C-ə çatıb ki, bu da sentyabr ayı üçün rekord göstəricidir və 2023-cü ilin avqustundan sonra hər ay üçün ən yüksək ikincidir. Aytən Zəhra Xeberxetti.com