İranda ölümcül ağcaqanad aşkarlanıb

İranın şimal bölgələrində ölümə səbəb ola bilən “Aedes” ağcaqanadları aşkar edilib.
Xeberxetti.com xəbər verir ki, “Güney Azfront” saytı İranın Səhiyyə nazirliyinin Malyariya ilə mübarizə idarəsinin rəisi Əhməd Rəisiyə istinadən belə məlumat yayıb. “Aedes ağcaqanadının yayılmasının qarşısını almaq üçün yeganə vacib tədbir ağcaqanadın yerləşməməsi üçün Gilan valiliyi rəhbərliyi ilə bu yaxınlarda başlayan müvafiq sektorlararası əməkdaşlıqla ətraf mühitin yaxşılaşdırılması və təmizlənməsidir” , – Rəisi deyib. “Aedes” adlı ağcaqanad növü insanları sarı qızdırma, zika, denge qızdırması, çikuqunya kimi ölümcül xəstəliklərə yoluxdurur. Xeberxetti.com