“Barselona”ya qayıtmaq və karyeramı orada bitirmək istəyirdim, amma..” – Messi

Lionel Messi “Barselona”ya dönəcəyi ilə bağlı iddialarla bağlı çox qəti açıqlama verib.
Xeberxetti.com xəbər verir ki, argentinalı futbolçu karyerasını “Barselona”da bitirmək istədiyini, lakin bunun iqtisadi səbəblərə görə mümkün olmadığını deyib: “”Barselona”ya qayıtmağı, oradakı həyatımı, həmişə istədiyim kimi orada təqaüdə çıxmağı düşünürdüm, amma bu mümkün olmadı”. “Barselona” və Messinin atası ehtimalla bağlı danışıqlar aparsa da, sonda razılıq əldə olunmayıb. Çünki “Barselona” maaş limiti məsələlərinə görə Messiyə lisenziyaya zəmanət verə bilmədi və sonda Leo “İnter Mayami”yə getməyə üstünlük verdi. Qeyd edək ki, Messi karyerasının böyük hissəsini – 2005-ci ildən 2021-ci ilə kimi “Barselona”da oynayıb. Yayda 36 yaşlı argentinalı MLS-in “İnter Mayami” klubuna keçib. Messi on qat İspaniya çempionu və dörd dəfə Çempionlar Liqasının qalibi olduğu İspaniya “Barselona”sının məzunudur. 2021-ci ildə Fransanın Paris Saint-Germain klubuna keçib və onunla iki dəfə ölkə çempionu olub, bir dəfə Fransa Superkubokunu qazanıb. Xeberxetti.com