“Bakı Gəmiqayırma Zavodu” MMC-də İdarə Heyətinin sədri Elşad Nuriyev rəhbərlik etdiyi qurumda mühafizə xidmətini ləğv edib. Qayanrinfo-nun məlumatına görə, mühafizə xidmətinin rəisi də daxil olmaqla 44 işçi vəzifələrindən azad ediliblər. Bu qərar 10 ildən artıqdır ki, mühafizə xidmətində işləyən işçilərin ciddi narazılıqlarına səbəb olub. “Bakı Gəmiqayırma Zavodu” MMC rəhbərliyi zavodun mühafizəsi üçün özəl mühafizə şirkəti olan “Kapital Security” ilə müqavilə bağlayıb. İşdən azad edilənlərə də sözügedən şirkətin tərkibində işlənmək təklif edilib. Bu isə onları qane etmir. Belə ki, işçilər illərdir zavoddan yüksək məbləğdə tibbi sığorta ilə yanaşı, 1000 manat və ondan artıq maaş alırdılarsa, yeni şirkət onlara 350 manat əmək haqqı təklif edir. İşdən çıxarılan işçilərin əksəriyyətinin də sığorta pulları tam ödənilməyib. 10 ildir zavodda çalışmış işçiyə işdən çıxarılmağa görə son bir il üçün sığorta pulu ödənilib. Allahverdiyev Tahir Samir oğlu, Musayev Elçin Qabil oğlu, Əsgərov Kamil Kamal oğlu, Babayev Namiq Əlisahib oğlu, Kərimov Elçin İkram oğlu, Mövsümov Tofiq Hafiz oğlu və digərləri ayrı-ayrılıqda Qaradağ Rayon Məhkəməsinə müraciət ediblər. Onlar “Bakı Gəmiqayırma Zavodu” MMC-nin İdarə Heyətinin sədri Elşad Nuriyevdən əmək haqlarını tələb edirlər.
Mənbə
Xeberxetti.com