“1 xal bizim üçün böyük uğurdur”.
“Xəbər Xətti” xəbər verir ki, bu sözləri Azərbaycan millisinin sabiq yarımmüdafiəçisi Əfran İsmayılov İdman.biz-ə bu gün Avro-2024-ün seçmə mərhələsində Azərbaycan – Belçika oyunu ilə bağlı danışarkən deyib. Ə.İsmayılov Belçikanın təhlükə rəqib olduğunu qeyd edib:
“Bu gün bizi çox çətin, çox ağır oyun gözləyir. Doğma meydanda oynayacağıq, amma Belçika elə komandadır ki, onlar üçün bunun fərqi yoxdur. Çox istəkli komandadır. Azərbaycana yalnız qələbə üçün gəliblər. Biz də öz növbəmizdə ağıllı gedişlər etsək, çoxsaylı top itkiləri olmasa, sürətli oynasaq, ehtimal edirəm ki, 1 xal qazana bilərik. 1 xal hesabımıza yazdıra bilsək bizim üçün böyük uğurudur. Qələbə isə başqa mövzudur, hətta deyərdim, sensasiya saya bilərik. Hər halda millimizə uğurlar arzulayıram”.
Qeyd edək ki, millimiz keçirdiyi 3 oyundan sonra 1 xalla qrup sonuncusudur.
9 sentyabr
Avro-2024, seçmə mərhələ
5-ci tur
F qrupu
“Dalğa Arena”
17:00 Azərbaycan – Belçika
“Xəbər Xətti”
Mənbə
xeberxetti.com