Moskvanın Preobrajenski Rayon Məhkəməsi futbolçu Pavel Poqrebnyak və onun həyat yoldaşı, bloger Mariya Poqrebnyakın nikahını pozub. Bu barədə “Moskva” agentliyi məlumat yayıb.”Sentyabrın 7-də məhkəmə Mariya Şatalovanın (Poqrebnyak) Pavel Poqrebnyaka qarşı boşanma və aliment sazişinin təsdiq edilməsi ilə bağlı iddiasını təmin edib. Nikah pozulub, alimentin məbləği, uşaqlarla ünsiyyət qaydası müəyyən edilib və uşaqların yaşayış yeri müəyyən edilib”, deyə məhkəmənin mətbuat katibi Alisa Spirina bildirib.Nəşr həmçinin bildirir ki, uşaqlar ana ilə yaşayacaq və ər-arvad əmlakı bölməyəcək.Mariya Şatalova “Match TV”yə açıqlamasında ərindən boşanması xəbərini şərh etmək istəmədiyini bildirib: “Məhkəmə ifadəmdə hər şey yazılıb, bundan sonra heç nə şərh etməyəcəyəm”.Pavel və Mariya 8 il rəsmi olaraq evlənib, onların üç övladı var. Onlar orta məktəbdə tanış olublar. Həmin vaxt Mariya 7, Pavel isə 10-cu sinifdə oxuyurmuş. Cütlük 2014-cü ildə 3 oğlu dünyaya gələndən sonra münasibətlərini rəsmiləşdirib. İndi onların böyük oğlu Artem 16, ortancıl Pavel 14, ən kiçiyi Aleksey isə 12 yaşındadır.2023-cü ilin yazında mətbuatda Mariyanın ərindən ayrılması xəbəri yayılıb. Blogger “Afrikadakı Ulduzlar” şousunu çəkərkən futbolçu Moskva klublarında müxtəlif qızların əhatəsində görünüb, lakin keçmiş həyat yoldaşlarından heç biri bu məlumatı təsdiqləməyib və ya təkzib etməyib.Qeyd edək ki, Pavel Poqrebnyak karyerası ərzində Rusiyanın “Spartak” (Moskva), “Baltika”, “Ximki”, “Şinnik”, “Tom”, “Zenit”, “Dinamo” (Moskva), “Tosno”, “Ural”, Almaniyanın “Ştutqart”, İngiltərənin “Fulhem” və “Ridinq” klublarında çıxış edib, milli komandada 33 oyun keçirirək, 8 qol vurub. 39 yaşlı veteran futbolçu ötən il karyerasını bitirib.
Mənbə
Xeberxetti.com