Hüseyn Şəhbazinin edam riski ilə bağlı xəbərdarlıq

17 yaşında həbs olunan 22 yaşlı Hüseyn Şəhbazi edam riski ilə üz-üzədir. Beynəlxalq Amnistiya təşkilatı İranın məhkəmə hakimiyyətinin rəhbərinə və Avropa İttifaqındakı səfirliyinə ünvanladığı məktubda bununla bağlı xəbərdarlıq edib.
Xeberxetti.com xəbər verir ki, Şahbazinin edam hökmünün ədalətsiz məhkəmə yolu ilə və işgəncə altındakı etirafına əsaslanaraq verildiyini vurğulayan təşkilat dünya ölkələrindən İrandan bu edamı dayandırmağı tələb etməyə çağırıb. Əvvəllər ictimai etirazlara görə Şəhbazinin edam müddəti 4 dəfə gecikdirilsə də, məktubda İranın uşaqlara qarşı ölüm hökmləri çıxarmaqla beynəlxalq qanunları pozduğu qeyd olunub. Hüseyn Şahbazi 2019-cu ilin yanvarında həbs olunduqdan sonra Şirazda vəkillə görüşdən məhrum edilərək 11 gün həbsdə qalıb. Sonra işgəncə altında etiraflar əsasında Fars vilayətinin cinayət məhkəməsi tərəfindən adam öldürmə ittihamı ilə ölüm cəzasına məhkum olunub. İranın Ali Məhkəməsi qərarla bağlı verilən apellyasiya şikayətini təmin etməyib. “Amnesty İnternational” təşkilatı Uşaq Hüquqları üzrə Beynəlxalq Konvensiyanı pozan İranın yetkinlik yaşına çatmamış cinayət törədən şəxsləri edama göndərməkdə davam etdiyini bildirir. Uşaqların edam edilməsi və onların hüquqlarının ciddi şəkildə pozulması ilə yanaşı, inqilabi qiyamlar zamanı uşaqların öldürülməsi, işgəncə və cinsi təcavüzə məruz qalması səbəbindən də İran geniş miqyaslı beynəlxalq tənqidlərə məruz qalır. “Human Rights Watch” təşkilatının hesabatında hazırkı etirazların yatırılması zamanı İranın təhlükəsizlik qüvvələrinin uşaqları öldürdüyü, onlara işgəncə verib və cinsi təcavüzə məruz qoyduqları vurğulanır. Bu sənədə əsasən, İran hakimiyyəti uşaqlara cinsi istismar və işgəncə vermək üçün öz “amansız təhlükəsizlik qüvvələrini” sərbəst buraxıb. İran səlahiyyətliləri uşaqların valideynlərinə xəbər vermədən onların qanuni hüquqlarını pozaraq həbs, sorğu-sual və mühakimə edirlər. Hakimlər isə həmin uşaqların ailələrinə onları müdafiə etmək üçün öz seçdikləri vəkilləri tutmağa qadağa qoyurlar. Bundan əlavə,uşaqlar yeniyetmə məhkəmələrindən kənar, qeyri-müəyyən ittihamlarla mühakimə olunurlar. Xeberxetti.com Teqlər:

İran
 

xəbərdarlıq