İtaliya Kubokunda 2022/23 mövsümünün qalibi müəyyənləşib.
Oxu.Az xəbər verir ki, final matçında “İnter” və “Fiorentina” üz-üzə gəliblər.
Görüş “nerazzuri”nin qələbəsi ilə başa çatıb – 2:1. Hesabı 3-cü dəqiqədə Nikolas Qonsaleslə florensiyalılar açıblar.
Lakin Lautaro Martines 29 və 37-ci dəqiqələrdə iki qol vuraraq, kuboku “İnter”ə qazandırıb.
Milan təmsilçisi ardıcıl ikinci, ümumilikdə 8-ci dəfə titula yiyələnib.
Mənbə
xeberxetti.com