Dünyaca məşhur müğənni Tina Törner 83 yaşında vəfat edib.
Bu barədə Sky News xəbər verir. Turnerin uzun sürən xəstəlikdən sonra dünyasını dəyişdiyi bildirilir. Qeyd edək ki, əsil adı Anna Mae Bulok olan Tina Törner 1939-cu il noyabrın 26-da ABŞ-nin Tennessi ştatında yerləşən kiçik Natbuş şəhərində anadan olub. Sent-Luis şəhərində yerləşən gecə klublarında səhnəyə çıxmağa başlayan müğənni sonralar evlənəcəyi gitarist İka Turner tərəfindən kəşf edilib. 1956-cı ildə İka Turnerin yaratdığı qrupa vokalist olaraq qoşulması çütlüyün arasında olan münasibəti evliliyə qədər aparıb. İka Turnerin irrasional hərəkətləri səbəbindən çütlük 1975-ci ildə ayrılıb. 1975–1983-cü illər aralığında fəaliyyəti istədiyi kimi alınmayan Törner 1983-cü ildə “Capitol” adlı albom şirkəti ilə müqavilə imzalayıb. Al Qreen tərəfindən məşhurlaşdırılan “Let’s Stay Together” mahnısını ifa etməsi Törnerin məşhurluğunun artmasına səbəb olub və İngiltərənin 10-luğuna girməyi bacarıb. “What’s Love Got to With It” sinqli İngiltərə musiqi siyahılarında III yeri tutsa da ABŞ-də liderlik əldə edib. Bu mahnının da yer aldığı albom “Ən yaxşı albom” və “Ən yaxşı qadın pop vokalist” nominasiyalarında sahibinə 2 Qremmi mükafatı qazandırıb. 1984-cü ildə Tina Törner “Mad Max Beyond The Thunderdome” adlı filmdə rol alıb. Törnerin növbəti hiti “We don’t need another hero” adlı sinql olub və mahnı həmin filmdə istifadə edilib. Növbəti il keçirilən yardım kompaniyasına dəstək məqsədi ilə Mik Ceker ilə duet oxuyan Tina Törnerin məşhurluğu dünya səviyyəsinə çatıb. Çətin bir uşaqlıq və gənclik dövrü keçirdiyini verdiyi mübahisələrində və görüşlərində tez-tez xatırladan müğənni 1985-ci ildə özünün avtobioqrafiyasını yazıb. 2013-cü ildə Ervin Bax ilə evlənən musiqiçi İsveçrə vətəndaşlığını qəbul edib və bu ölkəyə yerləşib. Törner ömrünün sonuna qədər Sürix yaxınlığında yerləşən kiçik Küsnaxt qəsəbəsində yaşayıb. Şahanə Rəhimli Xeberxetti.com
Teqlər: