İsraildə yeni hökumətin işə başlamasından sonra ölkənin Suriyadakı İran mövqelərinə hücumları daha da artıb. İsrailin müdafiə naziri Yoav Qallant Təhlükəsizlik konfransında belə bəyanatla çıxış edib.
Xeberxetti.com xəbər verir ki, Yoav Qallamt hava hücumlarının dəqiq statistikasını təqdim etməsə də, İsrailin Suriyadakı hərbi əməliyyatları ilə bağlı maraqlı məqamlara toxunub. “Mən müdafiə naziri kimi işə başlayandan bəri İsrailin Suriyadakı İran mövqelərinə hücumları ikiqat artıb. Hücumlar çərçivəsində biz Suriyada İranın kəşfiyyat və təhlükəsizlik imkanlarına qarşı metodik şəkildə hücumlar hazırlamağa çalışırıq. Bu hücumlar SEPAH-ın İsrail sərhədindən bir neçə kilometr aralıda baza yaratmaq səylərinə ciddi ziyan vuracaq. İran Hind okeanına, Qırmızı dənizə və hətta Aralıq dənizi sahillərinə çıxmaq niyyətindədir. Bu, həm hərbi, həm də mülki ticarət və uçuş marşrutlarını təhdid etmək üçün hazırlanmış mütəşəkkil bir sxemdir və gəmiçilik üçün daimi təhlükəyə çevrilir” – İsrailin Müdafiə naziri vurğulayıb. İsrail rəsmiləri İranın Suriya ətrafındakı mövqelərinə yüzlərlə hücum həyata keçirdiklərini etiraf ediblər. Suriyada 12 ildir davam edən vətəndaş müharibəsi zamanı İran Suriya prezidenti Bəşər Əsədə dəstək üçün öz müşavirlərini və qoşunlarını oraya göndərib. Lakin İran rəsmiləri bu illər ərzində nadir hallarda bununla bağlı bir təfərrüata varıblar. Eyni zamanda, Suriyada keçirdikləri hər hansı bir konkret əməliyyat barədə, demək olar ki, heç bir açıqlama verməyiblər. Xeberxetti.com
Bənzər yazılar
Add A Comment