Türkiyənin Milli Kəşfiyyat təşkilatı (MİT) İstanbulda İranın biznes fəaliyyətinə qarşı iş aparan“Mossad casusluq şəbəkəsi”nin 11 üzvünü həbs edib. Türkiyənin “Daily Sabah” qəzeti Milli Kəşfiyyat təşkilatının hesabatı əsasında belə məlumat yayıb.
Xeberxetti.com “Daily Sabah” qəzetinə istinadən xəbər verir ki, əməliyyatın uğurlu keçməsini Türkiyə kəşfiyyat qüvvələri ilə İstanbul Baş prokurorluğunun əlaqəli şəkildə fəaliyyəti şərtləndirib. “Türkiyə kəşfiyyat qüvvələri İstanbul Baş prokurorluğu ilə koordinasiyalı şəkildə son il yarımdır ki, bu casus şəbəkəsini izləyir. Türkiyə hökumətinə qarşı müxalifətin dini liderlərindən biri, ABŞ-da yaşayan Fətullah Gülənin tərəfdarları ilə bağlı uğursuz kvotanın ardından 2016-cı ildə xaricə qaçan keçmiş ordu hərbçilərindən Sərkan Özdəmir Səlcuq Küçükkaya ilə əlaqə saxlayaraq onu İsrailin xüsusi Kəşfiyyat və Əməliyyat təşkilatı xidməti olan Mossada yerləşdirib. Küçükkaya bir sıra Avropa ölkələrində Mossad agentləri ilə görüşüb və digər komanda üzvləri ilə ünsiyyət sistemi də daxil olmaqla, casusluq təlimi alıb. Onun əsas missiyası İranla biznes əlaqələri olan bir şirkət və 23 şəxs haqqında məlumat toplamaq olub. Küçükkaya və silahdaşları hədəflərindən birinə təhdid paketi göndərdikdən sonra həbs edilib” – MİT-in hesabatında deyilir. Həmçinin, bu casus qrupunun 11 üzvünün İstanbulda həbs edildiyi, qaçan 2 şəxsin isə hələ də axtarışda olduğu bildirilir. Xeberxetti.com
Bənzər yazılar
Add A Comment