Bakıda dayə aylıq min manata çalışdığı evdən 25 min manat pul və qızıl oğurlayıb. Qaynarinfo-nun məlumatına görə, oğurluğu 1987-ci ildə Bakı şəhər sakini Firəngiz adlı qadın törədib. Hadisə Bakı şəhəri, Səbail rayonu H.Seyidbəyli küçəsi, 122 saylı binada mənzillərin birində baş verib. Zərərçəkmiş Zamiq (şərti) bildirib ki, Firəngiz iki ilə yaxındır onun evində övladına dayəlik edir. Firəngizin iş təcrübəsi onu qane etdiyi üçün hər ay 1000 manat məvacib ödəyib və qadın həftədə 6 iş işləyib. Dayənin vəzifələrinə həmçinin evin təmizlik işlərini görümək də daxil olub. Firəngiz iş şərtləri ilə razılaşaraq, orada çalışıb.Təqsirləndirilən şəxs həftənin 6 günü evdə qalıb, uşaqları yatdıqdan sonra orada gecələyib, həftənin bir günü isə istirahət günü olub. Yaşadığı 4 otaqlı mənzilin otaqlardan biri qarderob kimi istifadə edilib və həmin otaqda seyf olub. Təxminən bir il əvvəl həmin seyfə 10.000 ABŞ dolları pul və özünə məxsus qızıl-zinət əşyaları qoyub. 2022-ci ilin iyul ayında seyfdəki pulu sayan zaman 1500 dollar az olduğunu görüb. Həmin pulun Firəngiz tərəfindən götürülməsi ilə bağlı əlində hər hansı bir sübut olmadığından pulların və qızıl əşyalarının yerini dəyişmədən bundan sonra nə baş verəcəyini gözləməyə başlayıb. Bundan sonra seyfdən hissə-hissə 300-500 dollar məbləğində pul və qızıl-zinət əşyalarının yoxa çıxdığını aşkar edib. 2022-ci ilin sentyabr ayında seyfin olduğu otağa gizli gizli kamera yerləşdirib. Bundan sonra mütəmadi olaraq hər gün kamera vasitəsilə qeydə alınmış görüntülərə baxsalar da, oğurluq baş verməyib. Nəhayət 14 sentyabr 2022-ci il tarixdə görüntülərə baxan zaman oğurluğun Firəngiz tərəfindən törədildiyini müəyyən ediblər. Firəngiz sonuncu dəfə seyfdən pul götürməmişdən əvvəl orada 6100 dollar olub. Dayənin pul götürməsini müəyyənləşdirdiyi gün seyfdə 5400 dollar qalıb.14 sentyabr 2022-ci il tarixdə günorta saatlarında Firəngiz evlərində olan zaman o, sonuncunu söhbətə çəkərək, nə üçün oğurluq etdiyini soruşub. Lakin Firəngiz bunu etiraf etmədiyindən məcburən polisə müraciət ediblər. Firəngiz ifadəsində bildirib ki, oğurladığı qızılları “Moskva” univermağında sataraq “Kapital Bank” və “Bank of Baku”dan götürdüyü kreditləri ödəyib. İş materiallarında olan 26 yanvar 2023-cü il tarixli barışıq sazişindən görünür ki, Firəngiz zərərçəkmiş şəxsə 25000 manat məbləğində zərəri ödəməyi öhdəsinə götürüb. Məhkəmənin qərarı ilə Firəngizə 11 ay 28 gün müddətinə azadlığın məhdudlaşdırılması cəzası təyin edilib.
Mənbə
Xeberxetti.com