Azərbaycan Premyer Liqasında III dövrəyə yekun vurulub.
Oxu.Az xəbər verir ki, XXVII turun və dövrənin son matçında “Qəbələ” və “Şamaxı” birincilərin meydanında üz-üzə gəlib.
Görüş ev sahiblərinin 2:0 hesablı qələbəsi ilə başa çatıb. “Qırmızı-qaralar”ın qollarına Əyyub Allaş imza atıb. O, 19 və 45+1-ci dəqiqələrdə fərqlənib.
Qələbə ilə xallarını 36-ya çatdıran “Qəbələ” 5-ci pillədəki mövqeyini qoruyub. 20 xalı olan “Şamaxı” isə 9-cu sırada qalıb.
Turun əvvəlki matçlarında “Qarabağ” “Sumqayıt”ı 6:0, “Sabah” “Zirə”ni səfərdə 2:0 hesabı ilə məğlub edib, “Səbail” “Turan Tovuz”la 1:1, “Neftçi” isə öz meydanında “Kəpəz”lə 2:2 hesablı heç-heçəyə razılaşıb.
Mənbə
xeberxetti.com