“TikTok” ödənişli məzmun sistemini rəsmi olaraq elan edib.
“Xəbər Xətti” trend-ə istinadən xəbər verir ki, bu yeni sistemdə istifadəçilər pul ödəməklə 20 dəqiqədən ibarət 80 video “Series” seriyasına daxil ola biləcəklər.
“TikTok”un yaydığı açıqlamaya görə, “Series” adlı xüsusiyyət məzmun istehsalçılarının ödənişli məzmun istehsal edib istənilən qiymətə satmasına imkan verir.
Hər bir “Series” cəmi 80 videodan ibarət ola bilər və hər video maksimum 20 dəqiqə uzunluğunda olacaq. Beləliklə, istifadəçilər “Series” satın aldığı zaman 26,6 saata qədər eksklüziv videolara giriş əldə edəcəklər.
“Series”-dən əldə edilən bütün gəlirlərin qısa müddətə fasiləsiz birbaşa məzmun istehsalçılarına veriləcəyi deyilir.
“Xəbər Xətti”