Başdan sona yaxşı nəticə gözləyirəm, finala yüksəlməyi gözləyirəm və orada medal uğrunda mübarizə aparmaq artıq mümkün olacaq.
Bunu çərşənbə günü Trend-ə Bakıda keçirilən bədii gimnastika üzrə Dünya Kubokunun iştirakçısı, azərbaycanlı idmançı İvan Tixonov deyib.
Qeyd edək ki, bu gün Bakıda Milli Gimnastika Arenasında Dünya Kuboku iştirakçılarının podium hazırlığı keçirilir.
Azərbaycanlı gimnast məşqinin gedişindən razı qalıb.
“Podium hazırlığı yaxşı keçdi, bütün aparatlarda məşqləri tamamladım, hiss edirəm ki, hər şey düzələcək və yaxşı nəticəyə ümid edirəm. Bu mundialda üç aparatda – at yelləncəkləri, çarpaz dirək və paralel barmaqlıqlar üzərində çıxış edəcəm”, – deyib.
İvan Tixonovun sözlərinə görə, mövsümün əvvəlindən Kottbus (Almaniya) və Dohada (Qətər) keçirilən iki dünya çempionatında iştirak etməsinə baxmayaraq, o, yorğunluq hiss etmir.
“Yorğunluq yoxdur, hər Kubokla biz sabitlik üçün kombinasiya hazırlayırıq. Mən Bakıda, təbii ki, tamaşaçıların dəstəyini hiss edirəm, kömək edir, həvəsləndirir”, – azərbaycanlı idmançı əlavə edib.
Qeyd edək ki, 48 ölkədən 173 idmançının qatılacağı Bədii Gimnastika üzrə Dünya Kuboku martın 9-12-də Bakıda Milli Gimnastika Arenasında keçiriləcək.
Yarışda Azərbaycanı Nikita Simonov və İvan Tixonov (kişi gimnastikası), Samirə Qəhrəmanova və Nazənin Teymurova (qadın gimnastikası) təmsil edəcəklər.
Dörd gün davam edən yarışın nəticələrinə əsasən, ən yüksək xal toplayan gimnastlara ənənəvi AGF Trophy kuboku da veriləcək.
“Xəbər Xətti”
Mənbə
xeberxetti.com