“Heç kəsə gecə evdə qalmağa icazə vermirlər” – Adanada yaşayan Xalq artisti

“Bu gecə də pis şeylər ola bilər deyə, heç kimə evlərində qalmağa icazə vermirlər. Bu saat biz Adana yaxınlığında bir kəndə gəlmişik”.
Xeberxetti.com xəbər verir ki, bu sözləri Xalq artisti, Türkiyənin Adana Çukurova Universiteti Dövlət Konservatoriyasının professoru Cahangir Novruzov prodüser Vasif Ayanla telefon danışığı zamanı deyib. C.Novruzovun yaşadığı Adanada da dağıntılar qeydə alınıb. “Orada bir yarımqatlı evdir, bir şey tərpənərsə, tez aşağı gedə bilərik. Adanada 3-4 bina çöküb. Biri 17, digəri 14 mərtəbədir. İnanın, evə oxşamırlar, elə bil inşaat dağıntısı, çöplüyüdür. Altında nə qədər insanın ölüb və ya yaşaması bəlli deyil. Amma səsləri gəlir. Bir də ən dəhşətlisi odur ki, gecə sel kimi yağış yağdı. O insanları xilas edilsələr də sətəlcəmdən ölə bilərlər”. Xalq artisti vəziyyətlərinin yaxşı olduğunu qeyd edib: “Çox şükür, biz pis deyilik, ailəmiz qorxub, nəvəm də yanımdadır. Onları sakitləşdirmək lazımdır. İnşallah, Allah kömək olsun bizə”. Xeberxetti.com Teqlər: