Xırdalandakı partlayış olan binada zərər görənlər kirayə evlə təmin olunacaq.
“Xəbər Xətti” xəbər verir ki, bununla bağlı “oxu.az”a Abşeron Rayon İcra Hakimiyyətindən (RİH) məlumat verilib.
Bildirilib ki, hazırda bütün zərərçəkən sakinlərin qeydiyyatı aparılır:
“İlkin məlumata əsasən, 20-yə yaxın mənzilə ziyan dəyib. Qaz, elektrik enerjisi binada tam olaraq kəsilib. Kirayə mənzillərdə yerləşdiriləcək ailələrin ödənişləri Abşeron RİH tərəfindən ödəniləcək. Bina 6 blokdan ibarətdir, 2 bloka zərər dəyib”.
Xatırladaq ki, avqustun 3-də Abşeron rayonu, Xırdalan şəhərində beşmərtəbəli yaşayış binasında partlayış qeydə alınıb. İlkin ehtimala görə, hadisə beşmərtəbəli binanın üçüncü blokunun üçüncü mərtəbəsində yerləşən mənzildə qaz sızması nəticəsində baş verib.
Nəticədə dörd nəfər müxtəlif dərəcəli bədən xəsarəti ilə xəstəxanaya yerləşdirilib.
FHN-in əməkdaşları tərəfindən bina sakinləri təxliyə edilərək hadisə yerində müvafiq təhlükəsizlik tədbirləri həyata keçirilib.
window._ttzi = 168; var adv_168_iad = document.createElement(“script”);adv_168_iad.src = “https://adviad.com/nativevideo/get_ads.js?=”+(Math.floor(Math.random() * 100000000) + 1);adv_168_iad.async = true;(document.body || document.head || document.documentElement).appendChild(adv_168_iad);adv_168_iad.onload = function(){script.parentNode.removeChild(adv_168_iad);}
“Xəbər Xətti”